Kovacic: Bosim va chempionlik yo‘li

Manchester City safidagi Mateo Kovacic klub atrofidagi kayfiyatni yashirmadi: Premer-liga tojini qaytarib olish vaqti kelgan, bosim esa avvalgidan ham kattaroq.

So‘nggi to‘rt yil ketma-ket chempionlikdan keyin Manchester City ikki mavsumdir raqiblarini ortidan kuzatib turibdi. Avvaliga Liverpool, o‘tgan safar esa Arsenal peshqadamlikni qo‘lga oldi. Endi esa savol bitta: City Pep Guardiola’dan keyngi davrga tayyormi?

Kovacic bu savolga javob berar ekan, o‘zi ham kelajagi borasida aniq va’da bera olmadi. U post-Guardiola davridagi ilk mavsumda klubda qolish-qolmasligi kafolatlanmaganini tan oldi. Ammo bugungi kun haqida gap ketganda, uning fikri aniq: bu jamoa yana cho‘qqiga qaytishi kerak.

Xorvatiyalik yarim himoyachi

South China Morning Post’ga bergan intervyusida City atrofidagi bosimni ochiqchasiga ta’rifladi:

“Bosim hamma ustida… ayniqsa bizda, chunki ikki yil ketma-ket chempion bo‘la olmadik”, — deydi u. “Klublar juda ko‘p sarflashyapti. Chelsea ham shular qatorida, va ular ajoyib futbolchilar qo‘shishdi. Katta klublar g‘alaba uchun yashaydi, shuning uchun bosim har doim bir xil.”

Bu gaplarda nafaqat raqobatni, balki kuchayib borayotgan transfer poygasini ham his qilish mumkin. Kovacic besh yilini o‘tkazgan eski jamoasi Chelsea yozda yana agressiv bozorga chiqdi. London klubi yana chempionlik bahsiga qaytish uchun tarkibni tubdan yangilashga urinmoqda.

Arsenal ham chetda turgani yo‘q. Mikel Arteta jamoasi so‘nggi ikki mavsumda City’ni quvib o‘tishga muvaffaq bo‘ldi va murabbiy o‘zi “o‘yinchilar qidiruvida juda faol, jamoani yaxshilash va rivojlantirishga harakat qilyapmiz”, deya ta’kidlagan.

Demak, poyga allaqachon boshlangan. Raqiblar kuchaymoqda, pul oqimi davom etmoqda, talablar esa o‘zgarmaydi: Manchester City uchun faqat birinchi o‘rin maqbul. Kovacicning qisqa, ammo aniq ta’rifi shuni ko‘rsatadi – bu safar bahona yo‘q, faqat javob berish kerak bo‘lgan savol bor: chempionlik tojini yana Etihad’ga qaytarishga kuchlari yetadimi?