2026/27 FPL Mavsumi uchun Oltin Tanlovlar
2026/27 Fantasy Premier League oldidan menejerlar yana o‘sha eski savolga qaytishdi: har bir klubdan kimni olish kerak? Statistikalar allaqachon gapirib bo‘ldi, endi ularni to‘g‘ri o‘qish va xato qilmaslik qoldi. Quyida 20 ta klubdan bittadan, xavfsiz va asosli tanlov.
Arsenal – Gabriel (£8.0m, himoyachi)
Arsenalning markaziy tayanchi endi shunchaki “arzon himoyachi” emas, to‘liq premium aktiv. 2025/26 mavsumida 3 ta gol, 5 ta golli uzatma, 18 ta “quruq o‘yin” va 22 ta DC ochkosi. Eng muhim raqam – 209 ochko. Himoyachilar tarixidagi uchinchi eng yaxshi natija.
30 ta asosiy o‘yindan atigi oltitasida “blank”. Ya’ni, deyarli har hafta nimadir olib beradi. Himoyachi uchun bunday ishonchlilik kam uchraydi.
Aston Villa – Ollie Watkins (£8.0m, hujumchi)
Ketma-ket ikki mavsumda 16 tadan gol. Bu tasodif emas, barqarorlik. Aston Villa hujumida hamon birinchi nom – Watkins.
Yosh Brian Madjo (£5.5m) atrofida shov-shuv kuchaymoqda, ammo Fantasy menejerlari uchun xavfsiz yo‘l aniq: besh mavsumdan to‘rttasida 160+ ochko to‘plagan, ishonchli, sinovdan o‘tgan hujumchi.
Bournemouth – Adrian Truffert (£5.5m, himoyachi)
Chap qanot himoyachisi ligaga kirib kelishi bilan Fantasy xaritalarini o‘zgartirdi. Debyut mavsumida 165 ochko, himoyachilar orasida oltinchi o‘rin.
1 gol, 6 assist – bu faqat sarlavha. Yana 11 ta “quruq o‘yin” va 24 DC ochkosi bor. Ya’ni, har uchala yo‘l ham ochiq: gol, assist, himoyaviy bonus.
Brentford – Igor Thiago (£8.0m, hujumchi)
O‘tgan mavsumda faqat bitta ism undan ko‘proq gol urdi – Erling Haaland. Igor Thiago 22 ta gol bilan “Golden Boot” poygasida ikkinchi bo‘ldi va Fantasy sahnasiga to‘liq kirib keldi.
Raqamlar yanada ta’sirli: jarima maydoni ichidan 80 ta zarba, 41 ta “katta imkoniyat”. Bu ko‘rsatkichlarda ham faqat Haaland ustun bo‘ldi. Hujumchi izlayotganlar uchun ogohlantirish emas, imkoniyat.
Brighton – Pascal Gross (£5.5m, yarim himoyachi)
Byudjet yarim himoyachilar orasida standart ko‘taruvchi futbolchi. Brighton & Hove Albion hujumlarining ko‘p qismi uning to‘p uzatishidan boshlanadi.
Burchak, jarima zarbalari – barchasi Gross ixtiyorida. Danny Welbeck ketganidan so‘ng, penaltilar ham deyarli unga o‘tdi. Yaqinda Strasbourgga qarshi 4:3 hisobidagi o‘rtoqlik uchrashuvida 11 metrlikdan aniq zarba berib, bu rolini tasdiqlab qo‘ydi. Bunday narxda bunday standartlar – kamyob topilma.
Chelsea – Cole Palmer (£9.5m, yarim himoyachi)
Xabi Alonso kelishi bilan Stamford Bridge atrofida yana umid paydo bo‘ldi. Eng katta yutuvchi bo‘lishi mumkin bo‘lgan futbolchi – Cole Palmer.
Yangi 3-4-2-1 tizimida Palmer markazga yaqin, ikki ilg‘or roldan birida o‘ynashi kutilmoqda. O‘tgan mavsum chindan ham ko‘ngilsiz o‘tdi, lekin undan oldingi ikki mavsumda ketma-ket 200+ ochko. Penaltilar ham uning qo‘lida. Chelsea ichida eng yuqori “potolok” aynan shunda.
Coventry – Bobby Thomas (£4.0m, himoyachi)
Premium sardorlar uchun byudjet bo‘shatmoqchimisiz? Demak, 4.0 narxli himoyachilarni to‘g‘ri tanlash shart. Promoushen qilgan klublarda aynan markaziy himoyachilar DC ochkolari uchun oltin koni bo‘lishi mumkin.
Coventry City markaziy himoyachisi Bobby Thomas o‘tgan mavsum Championshipda 3 ta gol va 4 ta assist qayd etdi. Arzon narxda nafaqat himoya, balki hujumiy tahdid ham.
Crystal Palace – Tyrick Mitchell (£4.5m, himoyachi)
O‘tgan mavsumda 4.5 va undan arzon himoyachilar orasida eng ko‘p ochko to‘plagan futbolchi – aynan Mitchell (135 ochko).
Yozgi o‘rtoqlik uchrashuvlari ham ijobiy signal berdi: yangi murabbiy Pierre Sage avvalgi bosh murabbiy Oliver Glasner singari qanot himoyachilarini oldinga chiqaradigan tizimni saqlab qoldi. Chap qanotdan yuqoriga ko‘tarilgan Mitchell uchun gol va assist potentsiali 5.0 dan arzon toifadagi eng yuqorilaridan biri.
Everton – Kiernan Dewsbury-Hall (£6.5m, yarim himoyachi)
Evertonning o‘tgan mavsumdagi kashfiyoti. Har bir asosiy o‘yinda o‘rtacha 5.0 ochko – bu allaqachon premiumga yaqin ko‘rsatkich. Morgan Gibbs-White va Declan Rice kabi qimmatroq variantlardan uncha ortda qolmadi.
8 ta gol, 7 ta assist. To‘liq hujumiy paket. 7.0 dan arzon yarim himoyachilar orasida eng jiddiy nomzodlardan biri.
Fulham – Joachim Andersen (£5.0m, himoyachi)
Fulham markaziy himoyachisi 2025/26 mavsumida 40 ta DC ochkosi to‘pladi. Bu – 10 ta “quruq o‘yin”ga teng bonus. Himoyachilar orasida uchinchi eng yaxshi natija.
5.0 narxda, Alvaro Arbeloa qo‘l ostida yangi davrga kirayotgan jamoada eng barqaror ochko manbai bo‘lishi kutilmoqda. Birgina minus – Gameweek 1 uchun diskvalifikatsiya. Lekin uzoq muddatli rejada u jamoangizni tortib turadigan tayanch bo‘lishi mumkin.
Hull – Nobel Mendy (£4.0m, himoyachi)
Hull yangi markaziy himoyachisini topdi, Fantasy esa yangi DC mashinasiga ega bo‘lishi mumkin.
Defenderlar 10 ta “clearance, block, interception, tackle” (CBIT) yig‘sa, 2 DC ochkosi oladi. Nobel Mendy o‘tgan mavsum LaLiga doirasida Rayo Vallecano safida har 90 daqiqada o‘rtacha 11.3 CBIT ko‘rsatkichiga ega bo‘ldi. Bu – deyarli har o‘yinda bonus. 4.0 narxda bunday barqarorlik juda kam uchraydi.
Ipswich – Florentino (£5.0m, yarim himoyachi)
Burnley safidagi o‘tgan mavsum uning Fantasy uchun qanchalik qimmatli bo‘lishini ko‘rsatib qo‘ydi. Ipswich Town o‘yinida ham shunday rolni kutish mumkin.
25 ta asosiy o‘yinning 14 tasida DC ochkosi. 56 foizlik muvaffaqiyat ko‘rsatkichi – muntazam o‘ynaydigan yarim himoyachilar orasida uchinchi eng yaxshisi. Coventrydagi Thomas va Hulldagi Mendy singari, Florentino ham arzon, ishonchli “zaxira qahramon” bo‘lishi mumkin.
Leeds – Anton Stach (£6.0m, yarim himoyachi)
Leeds United o‘yinida Stach ikki frontda ham foyda keltiradi: hujumiy statistika va DC. Bunday kombinatsiya Fantasyda juda qadrlanadi.
O‘tgan mavsum 28 ta asosiy o‘yinda 5 ta gol, 6 ta assist. Ustiga-ustak, 10 ta uchrashuvda qo‘shimcha DC ochkolari. Demak, hatto gol yoki assist bo‘lmagan kunlarda ham “2 ochko bilan cheklanib qoldim” degan hafsalasizlik kamroq bo‘ladi.
Liverpool – Alexander Isak (£9.0m, hujumchi)
Liverpooldagi birinchi mavsum jarohatlar bilan bo‘lingan bo‘lishi mumkin, lekin salomat bo‘lgan Isak qanday kuch ekanini bilamiz. Yangi bosh murabbiy Andoni Iraola yuqori pressingga tayangan tizimni olib kelmoqda, bu esa Isak uchun oltin imkoniyat.
Newcastle Uniteddagi so‘nggi ikki mavsumida 44 ta gol va 10 ta assist. 2024/25 mavsumida esa 211 ochko. Agar sog‘lom qolsa, bu narxda eng xavfli hujumchilardan biriga aylanadi.
Man City – Erling Haaland (£15.5m, hujumchi)
Bu yerda tortishadigan narsa yo‘q. 2025/26 mavsumida 239 ochko, to‘rt mavsumning uchtasida 200+ ochko. Manchester Cityning norvegiyalik yulduzi yana eng yuqori cho‘qqida.
73 foizlik egalik darajasi hammasini aytib turibdi: deyarli har Gameweekda asosiy sardor bo‘ladi. Uni olmaslik – ongli xavf, hatto lotereya.
Man Utd – Bruno Fernandes (£12.0m, yarim himoyachi)
Michael Carrick kelganidan keyin Fantasy bo‘yicha eng ko‘p ochko to‘plagan futbolchi – Bruno Fernandes. 22-turdan mavsum oxirigacha 129 ochko.
Yana bir raqam: Carrick davrida Manchester United gollarining 61 foizida bevosita ishtirok – 4 ta gol, 16 ta assist. Bu haqiqiy “talisman” ta’rifi. Jamoa gol ursa, deyarli har safar u shu yerda.
Newcastle – Malick Thiaw (£5.0m, himoyachi)
Debyut mavsumida 4 ta gol va 24 ta DC ochkosi. Markaziy himoyachi uchun juda kuchli start.
Newcastle United o‘tgan mavsum atigi 8 ta “quruq o‘yin” bilan cheklangandi. Agar bu ko‘rsatkichni biroz bo‘lsa ham yaxshilashsa, Thiaw narxiga nisbatan juda foydali aktivga aylanadi. Gol tahdidi esa allaqachon isbotlangan.
Nottingham Forest – Morgan Gibbs-White (£8.0m, yarim himoyachi)
2025/26 – uning hozircha eng yaxshi Fantasy mavsumi bo‘ldi: 15 ta gol, 4 ta assist, 189 ochko va yarim himoyachilar orasida uchinchi o‘rin.
Ichki statistika ham uni ajratib turadi. 18 ta “katta imkoniyat” – jamoa ichida ikkinchi o‘rindagi futbolchidan ikki baravar ko‘p. 49 ta yaratilgan imkoniyat bilan ham yetakchilardan. Nottingham Forest hujumining yuragi – aynan u.
Sunderland – Nordi Mukiele (£5.5m, himoyachi)
O‘ng qanot himoyachisi bo‘lishi mumkin, lekin raqamlarga qarasangiz, u to‘liq qanot hujumchisi kabi o‘ynaydi. O‘tgan mavsumda 3 ta gol, 5 ta assist.
Bunga 9 ta “quruq o‘yin” va 26 DC ochkosini qo‘shing. Ikki tomonda ham xavfli, ikki tomonda ham foydali. Sunderland safida balansli, lekin yuqori “potolok”ga ega himoyachi kerak bo‘lsa, tanlov aniq.
Spurs – Antonin Kinsky (£4.5m, darvozabon)
Tottenham Hotspur yozda markaziy himoyani qayta qurdi: Marcos Senesi va Jan Paul van Hecke kelishi bilan oldingi beqarorlik o‘rnini qat’iylik egallashi mumkin.
Eng qiziq raqam esa bosh murabbiy Roberto De Zerbi kelganidan keyingi davrga tegishli. 32-turdan mavsum oxirigacha Spurs raqiblariga eng kam “katta imkoniyat” berib qo‘ydi – atigi 10 ta. Agar bu trend davom etsa, Antonin Kinsky 4.5 narxli eng yaxshi byudjet darvozabonlaridan biriga aylanishi tayin.
Mavsum boshlanishiga ko‘p qolmadi. Savol endi bitta: bu nomlardan qanchasiga jur’at qilasiz va nechta “differensial”ni qo‘lga kiritishga tayyorsiz?
